108

REGISTRES DU BUREAU

[i5o5]

dessus et maçonner; lesquelles Sablieres seront scellées en plastre et moillon, que la Ville livrera.

" Item, sera livré par lad. Ville une quantité de chevrons, aiz et cloiez pour une foiz seullement, pour eschafauder les ouvriers selon qu'i sera besoing et par l'avis des m^cs des euvres de la Ville ; et les ouvriers tenuz de tout garder à leurs perilz et fortunes.

"Item, sera tenue la Ville entretenir a ses despens deux passeurs, l'un au pont dela Tournelle, et l'autre au port l'Arcevesque t¹' pour passer et rapasser les ouvriers et autres ayans regard sur feuvre.

rr Item, la Ville livrera à ses despens ausd, ouvriers une loge estant assise deçà l'eaue auprès de la masse du pont sur le cay de la riviere, pour y tenir et retraire les ouslilz. n

"Jaques Courbet, maçon et tailleur de pierres, demourant à Paris, confesse que dès le lundi dernier passé, dernier jour de mars, il print au rabaiz et à la chandelle comme au moindre pris, et par ces pre-

sentes prend de mess" les Prevost des Marchans et Eschevins de la ville de Paris qui luy baillèrent à faire les ouvrages cy dessus declerez, lesquelz ouvrages led. Courbet a promis, sera tenu et par ces presentes promect faire et parfaire bien et deuement, ainsi et par la forme et maniere que contenu et declairé est cy dessus en chascune article, sans riens excepter, et au dit des maistres des euvres de la Ville et d'autres gens qui à ce seront commis de par lad. Ville; et ce moiennant le pris et somme de cent douze solz parisis pour façon de chascune toise d'iceulx ouvrages, que iceulx Prevost et Eschevins luy en seront tenuz faire paier ainsi que dit est dessus, et le tout soubz les condicions contenues et decle-rées esd. articles; promettant et obligeant corps et biens, etc.; renonçant, etc.

" Fait et passé en l'Ostel de lad. ville de Paris le lundi septiesme jour d'avril, l'an mil cinq cens et cinq après Pasques. "

Ainsi signé : Drouet et Vaubcyn.

CLXXXV1L — Arrest de la Court de Parlement de pourveoir

DES COMMIS- DE L'OsTEL DlEU DE PaRIS

2 mai i5o5. (Fol. 139 v°.) «

Extraict cles Registres de Parlement.

" Sur ce qu'il est venu à la congnoissance de la Court que en l'Ostel Dieu de Paris a eu et a de present mauvais ordre tant au spirituel que temporel; ct mesmement en ce qui concerne les pauvres malades que l'en dit n'y estre receuz et traictez comme il appartient, combien que dès pieç'a lad. Court eust commis aucuns des Presidens et Conseillers en icelle sur le fait de la refformacion et gouvernement dudit Hostel Dieu, ct sur ce donné plusieurs arrestz et jugemens, et enjoinct par plusieurs et diverses foys aux Doien et Chapitre de Paris de donner ordre et pourveoir au fait dudit Hostel Dieu, sur peine de la priva-cion de la supperiorité et administracion qu'ilz en avoient, pour le fait de laquelle refformacion le Roy nostre s° eust le vin⁰ jour de Janvier derrenier passé decerné ses lettres patentes adressans à certains com-misseres, affin de fere mettre à execucion aucuns avis et deliberacions cles Proviseurs dudit Hostel Dieu commis tant par le cardinal d'Amboise, Legat en France, que par les Doien et Chapitre de Paris; et depuis eust

led. s^r escript à lad. Court, laquelle auroit deputé et conmis de nouvel aucuns des Presidens et Conseillers en icelle pour parler et comuniquer ausd. Proviseurs et les Prevost des Marchans et Eschevins de ceste ville de Paris, touchant le fait de lad. refformacion; lesquelz Proviseurs auroient baillé certain avis par escript, et entres autres choses touchant le temporel d'iceluy Hostel Dieu, à ce que lesd. Prevost des Marchans et Eschevins nommassent et esleussent aucuns bourgois et marchans de lad. ville pour estre commis à gouverner et administrer led. temporel et y donner bon ordre, et commettre ung ou plusieurs receveurs pour recevoir le revenu dudit Hostel Dieu, pour en rendre compte selon et en ensuivant les articles cy après declairées;

"Lesquelz Prevost des Marchans et Eschevins eussent nommez et esleuz, pour avoir led. gouvernement et commission dudit temporel, les personnes dont les noms et surnoms s'ensuivent : c'est assavoir Jehan Le Gendre, m^os Gerosme de Merle, François Cousinot, Henry Le Begue, Estienne Huve, Jehan Baudin, Guillaume Le Caron, Millet Lombart.

C Le port -l'Archevêque,» dit plus tard "Saint-Paul,» devait ce nom à sa proximité de l'hôtel des archevêques de Sens. (2) Au Registre, cet arrêt suit immédiatement l'art, en date des 5 et 16 avril, ci-dessus n° CLXXXIV-CLXXXV, auquel le lecteur doit se reporter ainsi qu'à l'art, précédent.